أخدنا اية من الثورة ؟؟؟

هاقولك أخدنا اية ؟؟

أخدنا كف كبييييييييييييييييييييييييير أوى علِّم على
قفا 85 مليون مواطن واللى يقول لك غيركده
يبقى بيضحك


على نفسه قبل ما يضحك عليك .... ما حدث كالاتى:





فوضى عارمة ----- انفلات أمنى ----- بلطجة وسفالة وقلة
أدب من غير حدود ------ انهيار اقتصادى كبير





زيادة
البطالة بعد ما كانت 4% ---- أصبحت 9% ---- ارتفع عدد الجرائم ل 200%
---- حرق وتدمير منشآت عامة --- وكلمة السر( سلمية سلمية)





مصادرة الآراء واحتكارها أمام رأى الثوار---( يعنى الى مش معايا يبقى
ضدى )





صحيح كان فيه فساد وللركب زى ماقال زكريا بيه عزمى ----
لكن كان مكسب كبير لينا أوى إقالة الحكومة وتبطل سرقة فينا ---- لكن الشعب المصرى بفصاحته وأخلاقه العالية صمم
على الرحيل ( ارحل يعنى امش


انت ما بتفهمش ) يا سلام ---- شوفوا الأخلاق .. مش بس كده ----- ضحك عليهم جماعة قال إيه قلبهم على مصر
----- وطنيين يعنى ... قاللهم لو رحل الريس هناخدوا منه 70 مليار نقسموهم على
الشعب هينوب الفرد منا 100 ألف وكسور فى النهاية طلعوا 70 مليار خازوق
قعد عليهم الشعب المصرى ---- زى بالظبط الخوازيق اللى بتستخدمها أمن الدولة فى أسلوب التعذيب
---- وطبعا لما اتعرفت كذبة 70 مليار قعدوا يقولوا ده


عنده فى البنك الفلانى كذا --- لأ د فى البنك الفلانى
كذا ---- لأ كذا ---- وربنا يخللنا الصحفيين بتوعنا اللى زى الفل---- مش عاوزين تسخين . هما مولعين جاهزين ... والشعب
الغلبان بيصدق هيعمل إيه ماهو محروم طول عمره








هيجى يقولك .. ماهو يا فالح يا اللى أنت أكيد من الفلول
لو كنا سيبناها زى خيبتك ما بتقول .. كنا دخلنا فى موضوع تانى وهو التوريث ....
هأفترض ان كلامك مظبوط ... لكن الشعب
المصرى إن كان غلبان صحيح


لكن مبينضحكش عليه غير بمزاجه ----- يعنى لما يحب يقلب
التربيزة على دماغ ريسها هيقلبها





لكن أن ليَّه واقفة عند حكاية التوريث دى ---- خليك
معايا كده ... لو أنت لك ابن عايزه يطلع إيه ؟؟؟؟ أكيد


أحسن منك --- د إن مكانش زيك وطبعا مفيش أحسن من منصب
رئيس جمهورية عايز تشوف ابنك فيه





( اوعى تكدب عليا
-- أصل الكدب حرام واحنا فى رمضان ) ياخى هأضربلك مثل إيه رأيك مثلا فى
رئيس منتدى وعنده ابن --- أكيد بيقعد يلمع فيه ويكَبر فيه علشان فى الوقت المناسب يروح
عاطى له المنصب بتاعه


أو منصب نائب مدير مثلا ----- زى بالظبط مبيعملوا رؤساء
الأقسام فى الكليات ؟؟؟ يبقى ابن الدكتور من دول فى الثانوى وأبوه حاجزله منصب معيد ----- قال إيه الكلية
مش عاوزه السنة دى معيدين ---- واللى يفرس بقى


إن تلاقيه كان طالع فى المظاهرة ماسك يافطة مكتوب عليها
-------- لا للتوريث ----


سيبك يا عم من حكاية التوريث دى خلينا فى بتوع التحرير





بتوع التحرير دول ما لهمش حل ناس تعرف تسَلك نفسها صح –
لكن كان وضعهم إيه ---- التلتين كانوا طالعين تصفية حسابات وهم الاخوان المسلمين
ودول طبعا معروفين + اللى كان عاوز يبقى
رئيس جمهورية وخد على قفاه ---- والتلت اللى فاضل طبعا عايز يقعد على الكراسى ...
وبينهم مجموعة من الشعب متقطعة بين الاتنين


ومش عارفين يصدقوا مين





وفى الأخر فوضى ملهاش حدود يلخموا بيها الجيش فى الداخل ----
علشان سينا تتسلك من الخارج


وتتقسم مصر زى المؤامرة ما بتقول وعجبى عليكم يا ولاد بلدى









وفى الأخر هأوفر عليك رأيك وأقولك .......... أيوه أنا
من الفلول ورافض اللى بيحصل ده شكلا ومضمونا


وبما إن بعد الثورة كل واحد عايش بدماغه ---- أنا بأقول
( تعيش دماغى حرة مستقلة)


اية رايك انت يازائر

والله عندك حقك يابرنس
اخدنا من الثوره خوف ورعب فى البيوت


الثوره معملتش اى حاجه غير ان الفساد انتشر اكتر

والبطاله زادت وبكده الثوره معملتش اى حاجه بل تدهورت الاحوال

واللى اخدناه من الثوره ان الحدود المصريه انضربت واصبحنا مطمع لكل الدول
وكل يوم ناس بتضحى بنفسها علشان البلد

يارب احفظ مصر وشعب مصر
منه لله اللى كان السبب فى تدهور البلاد



بجد موضوع رائع يابرنس

دمت متميز فى طرح مواضيعك

بص يا برنس انا معاك ان ايام الثورة كان فى انفلات امنى


بس تقدر تقولى مين السبب فى ؟؟

مين الى من مصلحتة انة ينشر الرعب والخوف فى البلد علشان

نقول الله يخرب بيت الثورة الى عملت فينا كدة

وهما فعلا وصلو لكدة قدرة ينفذو المخطط صح

علشان فى ناس غلابة مش عارف اية الى بيحصل

وكل المعلومات بيجبوها من التليفزيون المصرى التابع لنظام الفاسد

يكون المظاهرات ملي الشوارع ويجبلك الكوبرى هو فاضى مفهوش حد

ويقولك الدنيا حلو وزى الفل يبقى عدد الشهداء 385 شهيد ويقولك 10 بس

ويفبركو اخبار علشان يضللو الناس زى كنتاكى الى بيجى للمعتصمين فى التحرير

وعايز اقولكم حاجة احنا فعلا مخدناش حاجة من الثورة

لان الى اتهد فى 30 سنة معقول هيتبنى فى 3 شهور

واحنا كلنا عارفين ان الهدم مفيش اسهل منة صح ولا اية ؟

ان شاء الله الى جاى احسن بس الصبر وكل الناس تشتغل بضمير

وباذن الله مصر هتكون احسن بكتير وطول عمر مصر معروف عنها بلد الامن والامان هو اليومين دول الامن غايب بنسبة بسيطة بس ان شاء الله هيرجع تانى واحسن كمان